عبداله جعفراف" شاعر باکویی (آران) در وصف ایران سروده

ایکی یوز ایل بوندان قاباق
امضالاندی مقاوله
منله ایران آراسینا
دوشدو بؤیوک بیر فاصله

ایکی یوز ایل قان آغلادیق
تبریز ، تهران ... دییه دییه
اؤلدو گئتدی آتام - بابام
« ایران ، ایران » دییه ، دییه

ایران منیم آتا یوردوم
ایران منیم وطنیم دیر  
آتام اؤلنده ده دئدی
ایران منیم مسکنیم دیر

آتام اولنده ، چاغیردی
منه بیر یادگار وئردی
گؤزل بیر ایران بایراغی
شرفله افتخار وئردی

دئدی :« بالا ، بو بایراغی 
منه ده وئرمیشدی آتام
ایندی سن ساخلا بایراغی
من گئدیرم حاقّا چاتام

گله جک وار ، بیر گون گلر
باآی قوووشار ایرانا
منیم سالامیمی یئتیر
تبریز ، تهران ، خوراسانا

گره ک تاریخده دفن اولسون
ترکمن چای یا گولوستان ...» 
جان وئره رآن آتام دئدی :
وطنیمیز ... ایران ... ایران ...

سونرا ایران بایراغینی
اؤپدو ، یومولدو گؤزلری
آتش ساچدی اوره ییمه
اونون یانیق لی سؤزلری ..